Putin Prigojinning samolyoti halokati munosabati bilan hamdardlik bildirdi (video)

Rossiya Prezidenti Vladimir Putin bortida “Vagner” xususiy harbiy kompaniyasi rahbari Yevgeniy Prigojin bo‘lgan Embraer samolyoti halokatida halok bo‘lganlarning oila a’zolariga hamdardlik bildirdi. 

“Aviatsiya halokatiga kelsak, birinchi navbatda, barcha qurbonlarning oila a’zolariga hamdardlik bildiraman. Bu har doim fojia”,  dedi Rossiya rahbari tan olinmagan Donetsk xalq respublikasi rahbari Denis Pushilin bilan uchrashuvda. 

Putinning so‘zlariga ko‘ra, olingan dastlabki ma’lumotlar Tver viloyatida halokatga uchragan samolyot “Vagner” guruhi a’zolari bo‘lganini ko‘rsatmoqda.

Prezidentga ko‘ra, mutaxassislar hozirda samolyot halokati bo‘yicha ekspertiza o‘tkazmoqda, ularga biroz vaqt kerak bo‘ladi. 

"Hozir ekspertiza o‘tkazilmoqda: texnik ekspertizalar, genetik. Bu biroz vaqt talab etadi", deydi u.

Eslatib o‘tamiz, kecha, 23 avgust kuni Rossiyaning Tver viloyatida halokatga uchragan samolyot bortida “Vagner” rahbari Yevgeniy Prigojin va uning hammuassisi Dmitriy Utkin bo‘lgani, bortdagi barcha 10 yo‘lovchi halok bo‘lgani aytilgandi.