Putin Lukashenko bilan gaz masalasida gaplashib oladi

Rossiya va Belarus rahbarlari Vladimir Putin va Aleksandr Lukashenko bugun, 19 dekabr kuni bo‘lib o‘tadigan muzokaralarda gaz masalasini muhokama qiladi. Bu haqda Rossiya davlat rahbari matbuot kotibi Dmitriy Peskov ma’lum qildi. 

Kreml matbuot kotibining aytishicha, gaz masalasi "albatta" uchrashuv kun tartibida bo‘ladi. 

“Bu dolzarb masalalar, lekin, albatta, kun tartibida bo‘ladi”, deydi u. 

Peskov rezident Lukashenko o‘tgan haftada bu rejani tanqid qilganini eslatib, tomonlar yagona gaz bozorini yaratish rejalarida kechikayotganini ta’kidladi.  

"Bu yerda ma’lum nyuanslar bor, ular ham kun tartibida bo‘ladi", deb hisoblaydi Kreml vakili. 

U e’tiborni umuman olganda, Belarusda mutlaqo noyob, imtiyozli shartlar mavjudligiga qaratdi. 

Belarus Energetika vaziri Viktor Karankevich avvalroq Minsk va Moskva Rossiya gazining 2023 yil uchun narxi bo‘yicha kelishuvga erishmaganini, muzokaralar davom etayotganini, masala yuqori darajada hal qilinishini aytgan edi. 

2022 yilda Belarus uchun Rossiya gazining narxi 1 ming kub metr uchun 128,5 dollarni tashkil etadi, 1 apreldan Minsk ko‘k yoqilg‘i yetkazib berish uchun Rossiya rublida to‘laydi. Moskva va Minsk 2023 yilda gaz narxini belgilash va Ittifoq davlatining yagona tabiiy gaz bozorining ishlash va tartibga solish tamoyillarini kelishish ustida ishlamoqda. Dekabr oyi o‘rtalarida Lukashenko yana bir bor Rossiya va Belarus uchun energiya narxini teng belgilash zarurligini e’lon qildi.