Putin Qora dengizda yadroviy sinovlar o‘tkazishi mumkin – OAV

Rossiya Prezidenti Vladimir Putin yadro qurolini sinovdan o‘tkazish orqali undan foydalanishga tayyorligini namoyish qilmoqchi. Bu haqda “Times” gazetasi NATO razvedkasidagi manbalariga tayanib, xabar berdi.

Nashr suhbatlashgan xalqaro ekspertlarning fikricha, Putin Qora dengizda yadro qurolini sinovdan o‘tkazishi mumkin.

Qayd etilishicha, agar Putin jang maydonida bunday qurollardan foydalanishni tanlasa, u jiddiy xavf-xatarlarga duch keladi.

Ma’lumotlarga ko‘ra, NATO o‘z ittifoqchilariga Rossiya yadro qurolini olib yurishga qodir bo‘lgan “Poseydon” uchuvchisiz suv osti mashinasini sinovdan o‘tkazishi mumkinligi haqidagi razvedka hisobotini yuborgan.

“K-329 “Belgorod” atom suv osti kemasi Arktikaga yo‘l oldi”, deyiladi xabarda.

Avvalroq, Ukraina Prezidenti devoni rahbarining maslahatchisi Mixail Podolyak  Rossiyaning Ukrainada yadro qurolidan foydalanish ehtimoli juda past, ammo mavjudligi haqida fikr bildirgan edi.

Eslatib o‘tamiz , 21 sentyabr kuni Putin xalqiga murojaati davomida, u Rossiya xavfsizligiga tahdid qiluvchilarga yadroviy qurol bilan javob berishdan ham tap tortmasligini aytgan edi.