PSJ Mbappega o‘rinbosar topdi. Ammo unga da’vogarlar ko‘p

Fransiyaning PSJ klubi "Dortmund"ning Erling Xoland atrofidagi voqealarni diqqat bilan kuzatmoqda.

Kilian Mbappe yozda “Real Madrid” bilan bog‘lanadigan bo‘lsa, kelayotgan yoz PSJ Mbappega o‘rinbosar sifatida Erling Xolandni sotib olishga harakat qilib ko‘radi. Parijliklar rahbariyati norvegni o‘zlari uchun asosiy transfer maqsadi qilib, belgilab olgan.

Bu transfer uchun PSJga pul muammo bo‘lmasligi aniq. Lekin aytilishicha,  Xoland  “Real Madrid” bilan aloqa o‘rnatgan. Shuningdek, “Borussiya Dortmund” yulduziga “Barselona”, “Bavariya” va Angliyaning  bir nechta jamoalaridan qiziqish bor. 

Yozda Erling Xoland “Borussiya Dortmund” ketmoqchi bo‘lsa, xaridor klub nemis jamoasiga 75 million yevro o‘tkazib berishi kerak. Bu uning shartnomasida ko‘rsatilgan tovon puli hisoblanadi.

Eslatib o‘tamiz, joriy mavsum norvegiyalik futbolchi  Germaniya Bundesligasida 14 ta uchrashuvda maydonga tushib, 16 gol va 5 ta golli uzatma amalga oshirgan.

Ma’ruf Abdumalikov