ПСЖ Мбаппега ўринбосар топди. Аммо унга даъвогарлар кўп
Спорт
−
10 Февраль 2022 4511
Франциянинг ПСЖ клуби "Дортмунд"нинг Эрлинг Холанд атрофидаги воқеаларни диққат билан кузатмоқда.
Килиан Мбаппе ёзда “Реал Мадрид” билан боғланадиган бўлса, келаётган ёз ПСЖ Мбаппега ўринбосар сифатида Эрлинг Холандни сотиб олишга ҳаракат қилиб кўради. Парижликлар раҳбарияти норвегни ўзлари учун асосий трансфер мақсади қилиб, белгилаб олган.
Бу трансфер учун ПСЖга пул муаммо бўлмаслиги аниқ. Лекин айтилишича, Xоланд “Реал Мадрид” билан алоқа ўрнатган. Шунингдек, “Боруссия Дортмунд” юлдузига “Барселона”, “Бавария” ва Англиянинг бир нечта жамоаларидан қизиқиш бор.
Ёзда Эрлинг Xоланд “Боруссия Дортмунд” кетмоқчи бўлса, харидор клуб немис жамоасига 75 миллион евро ўтказиб бериши керак. Бу унинг шартномасида кўрсатилган товон пули ҳисобланади.
Эслатиб ўтамиз, жорий мавсум норвегиялик футболчи Германия Бундеслигасида 14 та учрашувда майдонга тушиб, 16 гол ва 5 та голли узатма амалга оширган.
Маъруф Абдумаликов
Live
Барчаси