Prokuror yordamchisi 1500 dollar pora olayotganda ushlandi

Jamiyat

−

03 noyabr 2022 visibility12764

Toshkent viloyatida prokuror yordamchisi pora olayotgan vaqtida ushlandi. Bu haqda Bosh prokuratura xabar berdi.

Qayd etilishicha, 1 noyabr kuni Toshkent viloyati prokuraturasi va DXX viloyat boshqarmasi xodimlari bilan hamkorlikda o‘tkazilgan tezkor tadbirda Piskent tumani prokurorining yordamchisi pora olayotgan vaqtida ushlangan.

U sudda ko‘rilayotgan jinoyat ishi bo‘yicha sudya orqali sudlanuvchiga yengil jazo tayinlanishini va’da qilib, evaziga firibgarlik yo‘li 1 500 AQSH dollarini olmoqchi bo‘lgan.

Mazkur holat yuzasidan 2 noyabr kuni Jinoyat kodeksining 168 (Firibgarlik) va 28, 211 (Pora berish) moddalari bilan jinoyat ishi qo‘zg‘atilgan.

Hozirda gumonlanuvchi protsessual tartibda ushlangan. Holat yuzasidan tergov harakatlari olib borilmoqda.

Maqola muallifi