Azizxon Umarxonov respublika PPX boshlig‘i bo‘ldi

IIV Patrul - post xizmati va jamoat tartibini saqlash bosh boshqarmasiga yangi boshliq va Toshkent shahar IIBB boshlig‘ining jamoat tartibini saqlash bo‘yicha yangi o‘rinbosari tayinlandi.

Unga ko‘ra, Toshkent shahar Ichki ishlar bosh boshqarmasi boshlig‘i o‘rinbosari lavozimidagi faoliyatida nom chiqargan polkovnik Azizxon Sharipxonovich Umarxonov IIV Patrul - post xizmati va jamoat tartibini saqlash bosh boshqarmasi boshlig‘i lavozimiga tayinlandi. Tayinlovga qadar Umarxonov Toshkent shahar IIBB boshlig‘ining jamoat tartibini saqlash bo‘yicha o‘rinbosari lavozimida faoliyat yuritgan.

Eslatib o‘tamiz, 2018 yilning 5 avgustigacha IIV Patrul - post xizmati va jamoat tartibini saqlash bosh boshqarmasi boshlig‘i lavozimida faoliyat yuritgan podpolkovnik Dilshod Akramov o‘z xizmat xonasida o‘ldirib ketilgan edi. 

Umarxonovdan bo‘shagan o‘ringa esa polkovnik Murodilla Saydullayevich Alikariyev tayinlandi. Tayinlovga qadar Alikariyev Toshkent shahar IIBB Patrul-post xizmati va jamoat tartibini saqlash boshqarmasi boshlig‘i lavozimida faoliyat yuritgan.