Polsha Rossiyaning Poznandagi konsulligini yopadi

Varshava Poznandagi Rossiya konsulligini yopmoqda, uning xodimlari Polshada persona non grata deb e’lon qilindi. Bu haqda bugun, 22 oktyabr kuni Polsha Tashqi ishlar vaziri Radoslav Sikorskiy X ijtimoiy tarmog‘ida ma’lum qildi.

Polsha diplomatiyasi rahbari bu qadamni Rossiya tomonining sabotaj faoliyati bilan izohladi.

“Rossiya Federatsiyasi respublika hududida qo‘poruvchilik harakatini amalga oshirishga urindi. Prokuratura ma’lumotlariga ko‘ra, u (rejalashtirilgan sabotaj) Rossiya davlati tuzilmalari tomonidan boshlangan va ular tomonidan nazorat qilinishi kerak edi”, deb yozgan Sikorskiy.

Uning qo‘shimcha qilishicha, u "bu harakatlar yagona emasligi va takrorlanishi mumkinligi" haqida ma’lumotga ega.

Polshaning “Onet” internet-nashrining yozishicha, Polsha prokuraturasining xulosalari "ikki ma’lumotli diversant" – 51 yoshli Ukraina fuqarosi Sergey S.ning Rossiya maxsus xizmatlari ko‘rsatmasi bo‘yicha Vrotslav shahridagi bo‘yoq ishlab chiqaruvchi korxonada o‘t qo‘yishga tayyorgarlik ko‘rayotganini tan olishiga asoslanadi.  

“Rossiya gibrid urush olib bormoqda. U Polsha hududida sabotaj qilishga urinmoqda. Tashqi ishlar vaziri sifatida bunga qat’iy javob berish mening mas’uliyatim. Birinchi qadam Poznandagi Rossiya konsulligining yopilishi bo‘ladi. Biz orqaga qadam tashlamaymiz. Biz Polsha Respublikasini himoya qilamiz, biz polyaklarni himoya qilamiz”, deydi Sikorskiyning X ijtimoiy tarmog‘idagi boshqa постида. 

Moskva Polshaning Poznandagi Rossiya konsulligini yopish haqidagi qarorini keskin tanqid qildi. Rossiya Tashqi ishlar vazirligi rasmiy vakili Mariya Zaxarova Rossiya davlat axborot agentligiga bergan izohida Polshaning bu harakatini "yana bir dushmanona qadam bo‘lib, unga og‘riqli javob berilishi”ni aytdi.