Penaltini urolmaganidan keyin 3 kun uxlolmay chiqdim – Shavkat Mirziyoyev (video)

O‘zbekiston Respublikasi Prezidenti Shavkat Mirziyoyev kecha, 16 may kuni Kinochilar saroyida san’at vakillari bilan uchrashuvda O‘zbekiston U-23 terma jamoasining Osiyo kubogi finali va Parij-2024 Olimpiada yo‘llanmasini qo‘lga kiritgani haqida fikr bildirib o‘tdi. 

“Bilasizlarmi, penaltini urolmaganidan keyin 3 kun uxlolmay chiqdim. Uning o‘rniga o‘zim bo‘lsam, deyman-da. Nimaga bunday bo‘lishi kerak ekan-a, bittagina to‘p-a? Shunday mahorat ko‘rsatdi, ularning ko‘pi bilan gaplashdim. Ularga telegramma yubordim. Endi biz ham darrov chempion bo‘lamiz, deymiz-da. Birinchi marotaba jamoaviy turda Olimpiadaga yo‘llanmani qo‘lga kiritdik. Bu ham katta yutug‘imiz”, degan Shavkat Mirziyoyev.

Shuningdek, Prezident futbol ham oson ish emasligi, hozirda 5-6 nafar o‘zbekistonlik futbolchilar dunyoga mashhur jamoalarda to‘p surayotganini va bundan faxrlanishini bildirgan.

Eslatib o‘tamiz, avvalroq O‘zbekiston U-23 terma jamoasiga Olimpiya o‘yinlari yo‘llanmasini qo‘lga kiritgani uchun 30 ming AQSH dollaridan pul mukofoti berilishi xabar qilingandi.