Oltoyda “Putinning dacha”si yonib ketdi – OAV 

Rossiyaning Oltoy o‘lkasidagi Onguday tumanida Rossiya Prezidenti Vladimir Putin qarorgohidagi binolardan biri deyarli butunlay yonib ketdi. Bu haqda mahalliy blogerlar xabar berdi.

Bloger Amir Aytashev va faol Aruna Arna yonib ketgan ob’ekt tasvirlari bilan bo‘lishdi. Fotosuratda binoning tashqi bezaklarining bir xil elementlari ko‘rsatilgan, bundan tashqari, jabhaning rangi, qo‘shni binoning tomi va relefi bir xil. Aytashevning aytishicha, surat kecha, 30 may kuni olingan.

“Oltoy Respublikasining Onguday hududidagi Putinning dachasida yong‘in sodir bo‘ldi. Rossiya Prezidenti Vladimir Putin 2015 yilda Italiya bosh vaziri Berluskonini qabul qilgan qarorgoh binolaridan biri yonmoqda”, deb yozdi Aytashev Telegram'dagi kanalida.

“Proyekt”ning yozishicha, turarjoy hududida to‘silgan o‘rmon maydonlari bo‘lgan fermer xo‘jaligi va nasldor bug‘u boqish fermasi mavjud. Putin bu hayvonlarning shoxlari ekstrakti bilan vanna qabul qilishi aytiladi. Nashrning yozishicha, protsedura yurak-qon tomir tizimining faoliyatini yaxshilaydi va terini yoshartiradi.

"Novaya gazeta"ning yozishicha, viloyat hokimiyati Putinning qarorgohi "Gazprom"ga qarashli Oltoy majmuasining yirik mehmonxona va sayyohlik majmuasi ekanligi haqida ma’lumot tarqatmoqda. Kompaniyaning o‘zi nashrga ma’lum qilishicha, mazkur muassasa korporativ tadbirlar, xorijlik mehmonlarni qabul qilish va biznes hamkorlar bilan uchrashuvlar o‘tkazish uchun mo‘ljallangan.