Oq uy apparati rahbarida koronavirus aniqlandi
Olam
−
07 noyabr 2020 2334
AQSHning Oq uy xodimlari apparati rahbari Mark Medouzning koronavirusga topshirgan testi musbat natija ko‘rsatdi. Bu haqda "Bloomberg" xabar bergan.
Agentlikning ta’kidlashicha, Medouz 3 noyabr kuni bo‘lib o‘tgan prezidentlik saylovlaridan keyin koronavirus yuqtirib olgan bo‘lishi mumkinligi haqida gapirgan.
Oq uy xodimida aynan qaysi kuni koronavirus aniqlangani to‘g‘risida ma’lumotlar yo‘q.
Bundan tashqari, Medouzning salomatligi hozirda qandayligi, unda kasallikning qanday belgilari borligi haqidagi ma’lumotlar ham noma’lum bo‘lib qolmoqda.
Ma’lumot uchun, AQSHda koronavirusga chalinganlar soni 9 milliondan oshib ketgan. 236 mingdan ko‘p bemor vafot etgan.
Live
Barchasi