Nurmuhamedov Maxachev va uning kutilmaganda topilgan raqibini taqqosladi

Yengil vazn toifasida sobiq UFC chempioni Habib Nurmuhamedov rossiyalik MMA jangchisi Islom Maxachevning yangi raqibi imkoniyatini baholadi.

Dastlab Beneil Dariush Maxachevga qarshi jang qilishi kerak edi, biroq u jarohati sabab Islomga qarshi jangdan qatnasha olmasligini ma’lum qildi. Dariushning o‘rnini Bobbi Grin egallaydi.

Habib Nurmuhamedovga ko‘ra, Bobbi Grin psixologik jihatdan ancha barqaror hisoblanadi.

“Grin – kuchli jangchi, u katta tajribaga ega va u  yaxshi himoyalanadi. U yaqinda mushtlashdi va formada. Grin o‘zi aytganidek to‘qqiz kun oldin emas, bir hafta oldin jang qilgan. Islom yana vazn poygasidan o‘tishi kerak bo‘ladi, lekin keyin u to‘g‘ri ish qildi, "Agar jang qilishimni istasangiz, vazn yig‘ishimda muammo bo‘lmasligi uchun menga 160 funtlik raqib bering", dedi. Menimcha, Grin hozir jismoniy jihatdan yaxshi formada. Biz uning bir hafta oldin yaxshi, kuchli jangchini urganini ko‘rdik. Biz tomondan hech qanday past baho yo‘q. Islom bilan ko‘p muhokama qildik, uning janglarini tomosha qildik, hech qanday past baho bermaslik kerak, chunki Grin juda qiziq, psixologik jihatdan barqaror, kuchli yigit”, dedi Nurmuhamedov. 

Eslatib o‘tamiz, Islom Maxachev va Bobbi Grin o‘rtasidagi jang 26 fevral kuni Las-Vegasda UFC Fight Night 202 doirasida bo‘lib o‘tishi rejalashtirilgan.

Ma’ruf Abdumalikov