Norboyeva Turkmanistonning yosh Prezidenti bilan uchrashdi

Olam 6377
image

Shu kunlarda Markaziy Osiyo davlatlari va Rossiya Federatsiyasi ayollari muloqoti majlisida qatnashish uchun Ashxobod shahrida bo‘lib turgan O‘zbekiston Oliy Majlisi Senati raisi Tanzila Norboyeva  Turkmaniston Prezidenti Serdar Berdimuhamedov bilan uchrashdi.

Uchrashuvda savdo-iqtisodiy, ilmiy-texnikaviy va madaniy-gumanitar hamkorlik bo‘yicha hukumatlararo komissiyaning muntazam ish olib borishini ta’minlash muhimligi ta’kidlangan.

“Tomonlar ikki mamlakat hududlari o‘rtasidagi aloqalarni rivojlantirish, shuningdek, O‘zbekiston va Turkmaniston ishlab chiqaruvchilari o‘rtasidagi sanoat kooperatsiyasini kengaytirishga ko‘maklashish maqsadida parlamentlararo muloqotni faollashtirish zarurligiga kelishib oldi”, deyiladi Senat Matbuot xizmati xabarida.

Shuningdek, madaniy-gumanitar sohadagi hamkorlikni mustahkamlash, shu jumladan, bu yo‘nalishda ikki mamlakat aholisi uchun zarur qo‘shma tadbirlarni o‘tkazish amaliyotini davom ettirish masalalari muhokama qilingan.

Eslatib o‘tamiz, Tanzila Norboyeva Ashxobodda Turkmaniston Milliy Gengeshi Xalq Maslahati raisi Gurbanguli Berdimuhamedov bilan ham uchrashdi.

Ma’lumot uchun, Turkmanistonda joriy yilning 12 mart kuni prezidentlik saylovi bo‘lib o‘tdi. Unda saylovchilarning 97,17 foizi yoki 3 million 362 ming 52 kishi ishtirok etdi. Markaziy saylov komissiyasi barcha byulletenlarni sanab chiqqach, 72,97 foiz ovoz olgan Demokratik partiyadan nomzod Sardor Berdimuhamedov g‘alaba qozonganini e’lon qildi.

Kichik Berdimuhamedov joriy yilning 19 mart kuni rasman yangi lavozimda ish boshladi.

Sunnatilla Abdullayev
Maqolaga baho bering
Baholaganlar: 102
Reyting: 3
t
×