Nodirbek Abdusattorov mashhur kibersport jamoasi tarkibiga qo‘shildi (video)
Sport
−
17 fevral 3278
O‘zbekistonlik shaxmatchi Nodirbek Abdusattorov dunyoga mashhur kibersport klubi “Natus Vincere” (NAVI) jamoasi tarkibida turnirda ishtirok etadi. Bu haqda klub Instagram sahifasida ma’lum qilindi.
Manbaga ko‘ra, shaxmat “E-sports World Cup 2025” kibersport festivaliga kirdi, shu sabab nufuzli kibersport tashkilotlari shaxmatchilar bilan shartnoma imzolamoqda. Dunyo miqyosida o‘z o‘rniga ega bo‘lgan Ukrainaning “Natus Vincere” (NAVI) jamoasi Nodirbek Abdusattorov bilan shartnoma imzoladi.
Ma’lumot o‘rnida, “Natus Vincere” (NAVI) “E-sports World Cup” turnirida CS2 bo‘yicha chempion bo‘lgan edi.
Esatib o‘tamiz, avvalroq, Nodirbek Abdusattorov “Freestyle Chess Grand Slam” turnirida 40 ming dollar ishlab topgani haqida xabar berilgan edi.
Live
Barchasi
