Nodirbek Abdusattorov 175 ming dollarlik turnirda qatnashadi
Sport
−
07 may 2024 5028
O‘zbekistonlik grossmeyster Polsha poytaxti Varshava mezbonlik qiladigan “Superbet Poland 2024” turnirida ishtirok etadi. Bu haqda turnir o‘z rasmiy saytida ma’lum qildi.
7 maydan 12 mayga qadar o‘tkaziladigan musobaqaning sovrin jamg‘armasi 175 ming dollarni tashkil etadi. Abdusattorov turnirdagi dastlabki o‘yinini 8 may kuni o‘tkazadi.
Eslatib o‘tamiz, avvalroq 19 yoshli Abdusattorov Shvetsiyaning Malmyo shahrida o‘tkazilgan “Tepe Sigeman-2024” turnirida g‘olib chiqqandi. O‘zbekistonlik shaxmatchi asosiy davrada 4,5 ochko to‘plab, taybrekda rossiyalik Peter Svidler hamda hindistonlik Arjun Erigaysini mag‘lubiyatga uchratib, g‘alaba qozondi.
