Niyati bo‘lmasa, nega gapiryapti – Bayden Putinning yadroviy zarbaga munosabatini tanqid qildi
Olam
−
28 Oktabr 2022 5328
AQSH Prezidenti Jo Bayden Rossiya rahbariyati yadro qurolidan foydalanish ehtimoli bilan bog‘liq masalalarga xavfli yondashayotganini aytdi. Uning so‘zlarini “NewsNation” nashri keltirmoqda.
Qayd etilishicha, Baydendan Prezident Vladimir Putinning Rossiya hech qachon yadro qurolidan foydalanish zarurligini aniq aytmagani haqidagi so‘zlariga izoh berish so‘ralgan.
“Agar uning bunday niyati bo‘lmasa, nega bu haqda gapirishni davom ettirmoqda? Nega u taktik yadro qurolini qo‘llash imkoniyati haqida gapiryapti? U bu masalaga juda xavfli yondashyapti”, deya javob bergan Bayden.
Eslatib o‘tamiz, Rossiya Prezidenti Vladimir Putin “Valday” xalqaro munozara klubining yalpi majlisida yadro urushi ehtimoli haqidagi savolga yadro quroli mavjud ekan, undan foydalanish xavfi ham mavjudligicha qoladi deb javob bergan edi.
Live
Barchasi