Navoiy yoki Toshkent, qaysi viloyat aholi jon boshiga YAHM bo‘yicha yetakchilik qilmoqda?

Davlat statistika qo‘mitasi joriy yilning yanvar-iyun oylariga ko‘ra, aholi jon boshiga yalpi ichki mahsulot hajmi qanchadan to‘g‘ri kelganini ma’lum qildi. 

Qayd etilishicha, joriy yilning yanvar-iyun oylarida O‘zbekiston Respublikasida aholi jon boshiga hisoblangan yalpi ichki mahsulot hajmi 9 175 400 so‘mni tashkil etgan. 

Ma’lum qilinishicha, ushbu ko‘rsatkich o‘tgan yilning mos davriga nisbatan 4,2 foizga o‘sgan. 

Aholi jon boshiga hisoblangan yalpi hududiy mahsulot narxlari quyidagicha:

Qoraqalpog‘iston Respublikasi – 5 million 868 ming so‘m;

Andijon – 5 million 746 ming so‘m;

Buxoro – 8 million 355 ming so‘m;

Jizzax – 6 million 262 ming so‘m;

Qashqadaryo – 5 million 773 ming so‘m; 

Navoiy – 26 million 025 ming so‘m; 

Namangan – 4 million 915 ming so‘m;

Samarqand – 5 million 308 ming so‘m; 

Surxondaryo –5 million 022 ming so‘m;

Sirdaryo – 7 million 717 ming so‘m;

Toshkent – 11 million 903 ming so‘m;

Farg‘ona – 5 million 266 ming so‘m;

Xorazm – 5 million 814 ming so‘m;

Toshkent shahri – 20 million 580 ming so‘m.