Navbatdagi odamsimon robot taqdim etildi (video)
Texnologiya
−
18 avgust 2023 4907
Xitoyning Unitree robotlar ishlab chiqaruvchi kompaniyasi, H1 odamsimon robotlarni ishlab chiqarishni boshladi. Bu haqda kompaniya o‘zining YouTube`dagi rasmiy sahifasida xabar berdi.
Kompaniya joylagan videoda muhandislarning robot ustida olib borilgan tajribalarda erishgan yutuqlari ko‘rsatilgan. Unda H1 robotining prototipi qora shim va futbolka kiygan holda ko‘rsatilgan. Sinovchilardan biri unga qattiq zarbalar berdi, ammo odamsimon robot o‘z muvozanatini saqlagan holda tekis yurishda davom etdi.
Prototipning og‘irligi 47 kg, bo‘yi esa 1,8 metr. Unga 3D LiDAR sensori, chuqurlik kamerasi va Intel Core chiplari o‘rnatilgan.
Kompaniya 3-10 yil ichida robotni mukammal darajaga yetkazishga va narxi 90 ming AQSH dollaridan arzonroq bo‘lishiga va’da bermoqda.
Eslatib o‘tamiz, kompaniya bundan avval uy hayvoni bajara oladigan ko‘p funksiyalarga ega robot kuchukni taqdim etgan edi.
Live
Barchasi
