Namanganda sel ko‘prikka zarar yetkazdi
Jamiyat
−
21 iyul 2021
4738Kecha, 20 iyul kuni yomg‘ir yog‘ishi natijasida Namangan viloyatining Kosonsoy tumani tomonidan sel toshqini kelib, Namangan shahar hududidan o‘tgan 4R-117 To‘raqo‘rg‘on – Namangan – Chortoq avtomobil yo‘lining 15-kilometrida joylashgan ko‘prikka zarar yetkazdi. Bu haqda Namangan viloyati hokimligi Matbuot xizmati xabar berdi.
Shu sababdan ushbu yo‘lda transport vositalarining harakati cheklandi.
Shuningdek, 4R-112 Farg‘ona xalqa yo‘li avtomobil yo‘lining 73-kilometrida joylashgan “Tashlama” ko‘prigiga zarar yetganligi sabab sozlash ishlari olib borilishi munosabati bilan harakat qisman (bir tomonlama tashkil etilgan) cheklandi.
Haydovchilardan vaqtincha aylanma yo‘llardan foydalanish so‘ralmoqda.
LiveBarchasi