Nyu-Yorkda metro stansiyasini suv bosdi (video)

Kecha, 1 sentyabr kuni kechqurun Amerika Qo‘shma Shtatlarining Nyu-York shahridagi “28–ko‘cha” yerosti metro stansiyasini suv bosdi.  Bu haqda mahalliy nashrlardan biri xabar bermoqda.

Qayd etilishicha, oltita metro poyezdi suv ostida qolgan, yo‘lovchilar esa evakuatsiya qilingan.  Ayni damda “Metro-North” va “Long Island Railroad” bekatlarini tutashtiruvchi stansiyalar yopilgan.

Ma’lumot uchun, bir necha kundan beri Nyu-Yorkda kuchli suv toshqinlari yuz beryapti. Toshqinga doimiy ravishda yog‘gan yomg‘ir sabab bo‘lgani aytilmoqda. Shuningdek, Midtaun mahallasidan 24 kilometr janubi-g‘arbda joylashgan Nyuark aeroporti ham suv ostida qolgan.

Eslatib o‘tamiz, avvalroq, Nyu-York shahridagi metro tizimi faoliyatida uzilish yuz berib, 83 ta metro poyezdi to‘xtab qolgan edi. Oqibatda 550 dan ortiq yo‘lovchilar poyezd relslari ustidan yurib, keyingi bekatga piyoda yetib olgandi.