Moldovaning saylangan Prezidenti partiya raisligi lavozimidan ketdi
Olam
−
10 dekabr 2020 4018
Moldovaning saylangan Prezidenti Mayya Sandu "Harakat va birdamlik partiyasi"ga a’zoligidan voz kechdi va partiya raisi lavozimidan ketdi.
Partiya buni "qonunga binoan davlat rahbari hech bir partiyaning a’zosi bo‘lishga haqli emasligi" bilan izohladi.
Qayd etilishicha, qonunchilikda saylangan Prezident saylov natijalari Konstitutsiyaviy sud tomonidan tasdiqlangunga qadar iste’foga chiqishi kerakligi nazarda tutilgan.
Konstitutsiyaviy sudning ushbu masala bo‘yicha majlisi bugun, 10 dekabrga belgilangan.
Siyosiy Kengash qaroriga binoan, 2021 yilda bo‘lib o‘tadigan partiya qurultoyigacha "Harakat va birdamlik partiyasi" raisining vazifalarini rais o‘rinbosari Igor Grosu bajaradi.
Eslatib o‘tamiz, Moldovada 15 noyabr kuni bo‘lib o‘tgan prezidentlik saylovlarida Sandu g‘olib bo‘ldi. U 57,27 foiz, amaldagi Prezident Igor Dodon esa 42,28 foiz ovoz to‘pladi.
Dodonning vakolat muddati 23 dekabrda tugaydi. Sanduning inauguratsiyasi esa 24 dekabrga belgilangan.
Live
Barchasi