Modrich “Real” bilan shartnomasini uzaytirishi mumkin
Sport
−
23 Aprel 2024 3245 1 daqiqa
Madridning “Real” klubi yarim himoyachisi Luka Modrich jamoada yana bir yil qolish istagini bildirdi. Bu haqda AS xabar berdi.
Joriy mavsumda Modrich 38 ta o‘yin o‘tkazib, 2 ta gol urdi va 6 ta golli uzatmani amalga oshirdi.
Modrich 2012 yilning avgustida “Tottenxem”dan “Real”ga o‘tgan edi. Transfer summasi 35 million yevroni tashkil qilgan futbolchining klub bilan shartnomasi 2024 yilning yoziga qadar tuzilgan. “Transfermarkt” 38 yoshli yarim himoyachini 8 million yevroga baholamoqda.
Modrich “Real” bilan 3 marta Ispaniya chempioni, 2 marta Ispaniya kubogi va 5 marta Ispaniya Superkubogini qo‘lga kiritgan. Xalqaro maydonda yarim himoyachi 5 marta Yevropa Chempionlar ligasida, shuningdek, 4 marta UEFA Superkubogi va xuddi shuncha klublar o‘rtasidagi Jahon chempionatida g‘olib chiqqan.
Live
Barchasi
