Mirziyoyev Nazarboyevni ham qutladi

Prezident Shavkat Mirziyoyev bugun, 30 dekabr kuni Qozog‘istonning birinchi Prezidenti Nursulton Nazarboyev bilan telefon orqali muloqot qildi. Bu haqda Prezident matbuot xizmati xabar berdi.

Davlat rahbari va Qozog‘istonning birinchi Prezidenti kirib kelayotgan Yangi yil munosabati bilan bir-birini samimiy qutlab, qardosh xalqlarga tinchlik-osoyishtalik, farovonlik va ravnaq tiladi.

O‘zbekiston bilan Qozog‘iston o‘rtasidagi qo‘shnichilik, strategik sheriklik va ittifoqchilik munosabatlari yuksak darajaga ko‘tarilgani, ko‘p qirrali hamkorlik barcha yo‘nalishlarda jadal rivojlanib borayotgani katta mamnuniyat bilan qayd etilgan.

Eslatib o‘tamiz, avvalroq bo‘lib o‘tgan telefon orqali muloqotda Prezident Shavkat Mirziyoyev va Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedov bir-birini kirib kelayotgan 2025 yil bilan qutlab, sihat-salomatlik, baxt-saodat, farovonlik, tinchlik va ravnaq tilagandi.