Мирзиёев Назарбоевни ҳам қутлади

Президент Шавкат Мирзиёев бугун, 30 декабрь куни Қозоғистоннинг биринчи Президенти Нурсултон Назарбоев билан телефон орқали мулоқот қилди. Бу ҳақда Президент матбуот хизмати хабар берди.

Давлат раҳбари ва Қозоғистоннинг биринчи Президенти кириб келаётган Янги йил муносабати билан бир-бирини самимий қутлаб, қардош халқларга тинчлик-осойишталик, фаровонлик ва равнақ тилади.

Ўзбекистон билан Қозоғистон ўртасидаги қўшничилик, стратегик шериклик ва иттифоқчилик муносабатлари юксак даражага кўтарилгани, кўп қиррали ҳамкорлик барча йўналишларда жадал ривожланиб бораётгани катта мамнуният билан қайд этилган.

Эслатиб ўтамиз, аввалроқ бўлиб ўтган телефон орқали мулоқотда Президент Шавкат Мирзиёев ва Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов бир-бирини кириб келаётган 2025 йил билан қутлаб, сиҳат-саломатлик, бахт-саодат, фаровонлик, тинчлик ва равнақ тилаганди.