Mirziyoyev Fransiya taraqqiyot agentligi direktorini qabul qildi
Jamiyat
−
17 may 2023 2575
O‘zbekiston Respublikasi Prezidenti Shavkat Mirziyoyev bugun, 17 may kuni Yevropa tiklanish va taraqqiyot banki Boshqaruvchilar kengashining Samarqand shahridagi yillik yig‘ilishida ishtirok etayotgan Fransiya taraqqiyot agentligi bosh ijrochi direktori Remi Riuni qabul qildi. Bu haqda Prezident Matbuot xizmati xabar berdi.
Yangi Sheriklik dasturi va “yo‘l xaritasi” doirasida Fransiya taraqqiyot agentligi bilan ko‘p qirrali hamkorlikni kengaytirishning amaliy jihatlari ko‘rib chiqildi.
Bugungi kunda O‘zbekiston agentlikning yetakchi hamkoridir. Qo‘shma loyihalar portfeli o‘tgan yilda o‘ttiz foizga oshib, 1,3 milliard dollarni tashkil qilmoqda.
“Yashil” iqtisodiyot, kommunal sohani, shu jumladan, suv ta’minoti tarmoqlarini modernizatsiya qilish, energetika infratuzilmasini rivojlantirish, chorvachilik va boshqa yo‘nalishlarda loyihalar amalga oshirilmoqda.
Uchrashuvda biznesni qo‘llab-quvvatlash dasturlarini ilgari surish, davlat-xususiy sheriklikning samarali mexanizmlarini joriy etish, agentlikning “PROPARKO” va “Ekspertiz Frans” tuzilmalari bilan hamkorlik qilish masalalariga alohida e’tibor qaratildi.
Live
Barchasi