Mirziyoyev bugun Davlat xavfsizlik xizmati Akademiyasiga boradi
Jamiyat
−
07 yanvar 2022
16264Avvalroq, O‘zbekiston Respublikasi Prezidenti Shavkat Mirziyoyev qisqa muddatli mehnat ta’tilidan qaytgani haqida xabar bergan edik.
Bugun, 7 yanvar kuni Shavkat Mirziyoyev "Temurbeklar maktabi" harbiy-akademik litseyi va DXX Akademiyasiga borishi rejalashtirilgan. Bu haqda Prezident Matbuot kotibi Sherzod Asadov xabar berdi.
“Prezident Shavkat Mirziyoyev yoshlarga oid davlat siyosatini amalga oshirish, yosh avlodni harbiy-vatanparvarlik ruhida tarbiyalash, davlat xavfsizligi sohasida kadrlar tayyorlash borasida amalga oshirilayotgan ishlar bilan tanishish maqsadida Davlat xavfsizlik xizmatining "Temurbeklar maktabi" harbiy-akademik litseyi va DXX Akademiyasiga tashrif buyuradi”, deb yozadi Asadov.
Eslatib o‘tamiz, Prezident Shavkat Mirziyoyev 2021 yilning 4 yanvarida ham qisqa muddatli ta’tilga chiqqan edi. 11 yanvar kuni ta’tildan qaytgan Prezident shu kuni Jizzax viloyatida Markaziy harbiy okrugning artilleriya brigadasini borib ko‘rgandi.
LiveBarchasi
07 noyabr 2023
07 noyabr 2023
07 noyabr 2023