Mirziyoyev Bakuga yetib bordi
Jamiyat
−
01 mart 2023 5753
O‘zbekiston Respublikasi Prezidenti Shavkat Mirziyoyev Ozarbayjon Respublikasi Prezidenti Ilhom Aliyevning taklifiga binoan bugun, 1 mart kuni amaliy tashrif bilan Baku shahriga yetib bordi. Bu haqda Prezident matbuot xizmati xabar berdi.
Qayd etilishicha, Haydar Aliyev nomidagi xalqaro aeroportda O‘zbekiston rahbarini Ozarbayjon Bosh vazirining birinchi o‘rinbosari Yaqub Ayubov va boshqa rasmiy shaxslar kutib olgan.
Manbaga ko‘ra, O‘zbekiston va Ozarbayjon Prezidentlarining uchrashuvi bugun, 1 martda bo‘lib o‘tadi, unda yetakchilar avval erishilgan kelishuvlarni amalga oshirish masalalarini muhokama qiladi.
Shuningdek, ertaga, 2 mart kuni Bakuda eng yirik xalqaro tuzilmalardan biri – Qo‘shilmaslik harakatining sammiti bo‘lib o‘tishi, tadbirning yalpi sessiyada O‘zbekiston Respublikasi Prezidenti nutq so‘zlashi kutilmoqda.
Live
Barchasi