Metalni qayta ishlash korxonasida ikkita transformator yonib ketdi
Jamiyat
−
27 avgust 2019
2881Kecha, 26 avgust kuni Sirdaryo viloyati Guliston shahri “Taraqqiyot” MFY S.Alimov ko‘chasi 20-uyda joylashgan “Wang Da Group” MCHJga qarashli metalni qayta ishlash korxonasi hududida yong‘in sodir bo‘ldi. Bu haqda yong‘in-qutqaruv qismiga soat 22:15 da xabar kelib tushgan.
Voqea joyiga 4 ta yong‘in o‘chirish bo‘linmalari yo‘naltirilgan. Birinchi bo‘linmalar chaqirilgan manzilga yetib borgan vaqtida korxona hududida joylashgan 2 ta “TM-35” rusumdagi transformatorlar ochiq alanga bilan yonayotganligi ma’lum bo‘lgan. Yong‘in o‘chirish bo‘linmalari tomonidan ko‘rilgan tezkor harakatlar natijasida yong‘in soat 22:22 da qurshab olinib, soat 00:25 da to‘liq bartaraf etilgan.
Yong‘indan korxonaning 740 kv metr maydonda ishlab chiqarish binolari saqlab qolingan. Tan jarohati olganlar va halok bo‘lganlar qayd etilmagan. Yong‘in sababi va moddiy zarar miqdori aniqlanmoqda.
LiveBarchasi