Messi va Karvaxal eng yomoni. PSJ – “Real” uchrashuvida futbolchilar qanday natija ko‘rsatdi?

Yevropa Chempionlar ligasining 1/8 finalidan o‘rin olgan PSJ – “Real” (1:0) bahsida futbolchilarga qo‘yilgan ballarni taqdim etildi.

Kilian Mbappe va Marko Verratti Parij klubida 10 va 8 ball bilan eng yaxshi reytingga ega chiqishdi. Ushbu bahsda 11 metrlik jarima zarbasidan unumli foydalana olmagan Lionel Messi 3 ballga munosib deb topildi, bu esa PSJ futbolchilari orasida eng past ko‘rsatkich hisoblanadi.

Madridliklar darvozaboni Tibo Kurtua 8 ballga loyiq ko‘rilib, jamoaning eng yaxshi futbolchisiga aylangan bo‘lsa, himoyachi Dani Karvaxal “Real” va ushbu uchrashuvning eng yomon o‘yinchisi deb topildi (2 ball).

Ma’lumot uchun futbolchilarga qo‘yilgan ushbu ballar Fransiyaning "L'Equipe" sport gazetasi tomonidan taqdim etilgan.

Eslatib o‘tamiz, o‘yinga qo‘shib berilgan vaqtning so‘nggi daqiqasida Kilian Mbappe tomonidan kiritilgan yagona gol Parij klubiga g‘alabani taqdim etdi. Jamoalar o‘rtasidagi javob uchrashuvi 9 mart kuni Madridda bo‘lib o‘tadi.

Shaxboz Qahhorov