Месси ва Карвахаль энг ёмони. ПСЖ – “Реал” учрашувида футболчилар қандай натижа кўрсатди?

Европа Чемпионлар лигасининг 1/8 финалидан ўрин олган ПСЖ – “Реал” (1:0) баҳсида футболчиларга қўйилган балларни тақдим этилди.

Килиан Мбаппе ва Марко Верратти Париж клубида 10 ва 8 балл билан энг яхши рейтингга эга чиқишди. Ушбу баҳсда 11 метрлик жарима зарбасидан унумли фойдалана олмаган Лионель Месси 3 баллга муносиб деб топилди, бу эса ПСЖ футболчилари орасида энг паст кўрсаткич ҳисобланади.

Мадридликлар дарвозабони Тибо Куртуа 8 баллга лойиқ кўрилиб, жамоанинг энг яхши футболчисига айланган бўлса, ҳимоячи Дани Карвахаль “Реал” ва ушбу учрашувнинг энг ёмон ўйинчиси деб топилди (2 балл).

Маълумот учун футболчиларга қўйилган ушбу баллар Франциянинг "L'Equipe" спорт газетаси томонидан тақдим этилган.

Эслатиб ўтамиз, ўйинга қўшиб берилган вақтнинг сўнгги дақиқасида Килиан Мбаппе томонидан киритилган ягона гол Париж клубига ғалабани тақдим этди. Жамоалар ўртасидаги жавоб учрашуви 9 март куни Мадридда бўлиб ўтади.

Шахбоз Қаҳҳоров