Messi futbol afsonasi Pelening tarixiy rekordini yangiladi
Sport
−
23 dekabr 2020 6342
Ispaniyaning "Barselona" klubi hujumchisi argentinalik Lionel Messi bir jamoada urilgan gollar soni bo‘yicha jahon rekordini yangiladi.
Futbol bo‘yicha Ispaniya chempionatining 15-turidan o‘rin olgan "Valyadolid"ga qarshi uchrashuvning 65-daqiqasida Messi raqib darvozasini ishg‘ol qildi. Shundan so‘ng "Barselona" foydasiga 3:0 hisobi qayd etildi. Ushbu gol Messi uchun Kataloniya jamoasidagi 644-gol bo‘ldi.
Ma’lumot o‘rnida, joriy yilning 19 dekabr kuni Messi "Santos" (Braziliya) tarkibida 643 ta gol urgan braziliyalik Pelega yetib olgandi.
33 yoshli Messi 2004 yildan beri "Barselona" tarkibida to‘p surmoqda. Kataloniya klubi tarkibida u 34 ta turnirda g‘olib chiqqan, olti karra "Oltin to‘p" sohibi bo‘lgan.
Live
Barchasi