Messi faoliyatidagi eng sevimli goli qaysi ekanini aytdi
Sport
−
02 noyabr 2023
4402“Inter Mayami” va Argentina terma jamoasi hujumchisi Lionel Messi faoliyatidagi eng yoqtirgan goli bilan bog‘liq savolga javob berdi.
“Men har doim aytganman, eng muhim gollarim Yevropa Chempionlar ligasi va Jahon chempionatida urilgan. “Santiyago Bernabeu”da bo‘lib o‘tgan YeCHL o‘yinida “Real”ni 2:0 hisobida mag‘lub etganimizda, “qirollik klubi”ga urgan golimni yaxshi eslayman”, deydi Messi.
Bu o‘yin 2011 yilda YeCHL yarim finali doirasida bo‘lib o‘tgandi. Birinchi o‘yin 2:0 hisobida “Barselona”ning g‘alabasi bilan yakunlangan bo‘lsa, javob uchrashuvida 1:1 hisobi qayd etilgan.
Eslatib o‘tamiz, avvalroq Messi faoliyatidagi sakkizinchi “Oltin to‘p”ni qo‘lga kiritgani ko‘plab futbolga aloqador shaxslar tomonidan e’tirozlarga sabab bo‘layotgani xabar qilingandi. Shuningdek, Britaniyaning “FourFourTwo” jurnali argentinalik futbolchi faoliyatidagi 3 ta “Oltin to‘p”ni nohaq qo‘lga kiritganini ma’lum qildi.
LiveBarchasi