Mbappe kuchli futbolchi, lekin “Real”da Vinisius bor – Tebas
Sport
−
14 may 3404
Ispaniya La Ligasi prezidenti Xaver Tebas PSJ va Fransiya terma jamoasi hujumchisi Kilian Mbappening “Real”ga o‘tganini tasdiqladi. Bu haqda Tebas “Ole” nashriga bergan intervyusida aytib o‘tdi.
“Mbappe keyingi yil, kelasi mavsum Madridda bo‘ladi, ha. U dunyoning eng yaxshi futbolchilaridan biri, lekin “Real”da Vinisius va Bellingem bor, Madridda super jamoa vujudga keladi. Mbappening “Real”ga kelishi bu klubga chempionatda g‘oliblikni kafolatlamaydi”, deydi Xaver Tebas
Qayd etish joiz, Fransiya futbolchilar va murabbiylar uyushmasi talqiniga ko‘ra Liga 1 da mavsumning eng yaxshi futbolchisi deb topilgan Mbappe “Real” bilan 2029 yilgacha amal qiladigan shartnoma imzolaydi.
Eslatib o‘tamiz, avvalroq 25 yoshli futbolchi PSJ prezidenti Nosir Al-Xelayfi bilan mojaroga borgani xabar qilingandi.
