Maunt “Chelsi”dan nega ketganini ma’lum qildi
Sport
−
07 iyul 2023 3192
“Manchester Yunayted” yarim himoyachisi Meyson Maunt “Chelsi”ni tark etishi sababini aytdi.
“Bir necha oy oldin men “Chelsi” rejalarining bir qismi emasligimni angladim. Menga “Manchester Yunayted” taklif bilan chiqqanida darhol transferga rozi bo‘ldim. Bu klubda ko‘plab afsonaviy futbolchilar to‘p surgan. Men bu jamoaning bir qismi bo‘lishni xohladim”, deydi Maunt.
Qayd etilishicha, 24 yoshli angliyalik futbolchining transferi uchun “qizil iblislar” 60 million yevrodan ko‘proq pul to‘laydi.
Maunt “Chelsi” tarbiyalanuvchisi va u 2005 yildan beri London klubi tizimida to‘p tepib kelayotgandi. U “ko‘klar”ning asosiy jamoasida 197 o‘yinda 33 ta gol urdi va 37 ta golli uzatmani amalga oshirdi. Maunt “Chelsi” bilan uchta sovrinni qo‘lga kiritdi – Yevropa Chempionlar ligasi, UEFA Superkubogi va klublar o‘rtasidagi Jahon chempionati. Bu “Manchester Yunayted”ning yozgi transfer oynasidagi ilk xaridi bo‘ldi.
