Mask SpaceX shtab-kvartirasini ko‘chiradi

Amerikalik tadbirkor Ilon Mask o‘zining SpaceX aerokosmik kompaniyasi shtab-kvartirasini Texas shtatidagi Starbeys shahriga ko‘chiradi. Bu haqda “Reuters” xabar berdi.

Qayd etilishicha, SpaceX rahbariyati Starbeys kosmik uchirish maydoniga shahar maqomini berish uchun suddan saylov o‘tkazishni so‘ramoqda. Ushbu bazada kompaniyaning yuzlab xodimlari yashaydi. 

“Mana ona, men shahar barpo etdim”, deb yozgan Mask X'da.

U joriy yil iyul oyida X va SpaceX shtab-kvartiralarini Kaliforniyadan Texasga ko‘chirish qarorini e’lon qilgan. Milliarderning so‘zlariga ko‘ra, u shtab-kvartiraga kirish va chiqish uchun zo‘ravon to‘dalardan qochishdan charchagan.

Ma’lumotlarga ko‘ra, hozirda SpaceX joylashgan Kaliforniya Qo‘shma Shtatlardagi eng yuqori daromad solig‘i stavkasiga ega. Shuning uchun shtab-kvartirani ko‘chirish Maskning milliardlab dollarlarini tejashi mumkin. Chunki, Texasda bu stavka nolga teng.

Eslatib o‘tamiz, avvalroq SpaceX va Tesla asoschisi Ilon Mask tarixda boyligi 400 milliard dollardan oshgan birinchi shaxs bo‘lgani xabar qilingandi.