Mashhur filmda rol o‘ynagan sportchi jahon rekordini o‘rnatdi (video)
Sport
−
01 avgust 2023 9052
Estoniyalik atlet Yan Ruz 185 metr balandlikda tortilgan arqonda yurib, jahon rekordini qayd etdi. Bu haqda “Euronews.com” xabar berdi.
Sportchi Qatardagi egizak minoralar orasida o‘rnatilgan uzunligi 150 metr, qalinligi 2,5 sm bo‘lgan arqondan birinchi urinishdayoq bosib o‘tdi. Yan kuchli shamolga qaramay muvozanatini saqlashga muvaffaq bo‘ldi.
Yan Ruz anchadan buyon ekstremal sport turlari bilan shug‘ullanib keladi. 28 yoshli sportchi sleklayn bo‘yicha qator muvaffaqiyatlarga erishgan. Ruz 2019 yilda ushbu sport turi bo‘yicha uchta jahon chempionligi unvonini qo‘lga kiritgan. U shuningdek, Myunxenda bo‘lib o‘tgan World Slackline Masters turnirida g‘olib chiqqan.
Kaskadyor sifatida Yan bir nechta filmlarda suratga tushgan. Ulardan eng mashhuri – xuddi shu nomdagi o‘yinga asoslangan “Assassinʼs Creed” hisoblanadi.
Live
Barchasi