Marmush “Tottenxem”ga o‘tdi – Romano 

Londonning “Tottenxem” jamoasi “Manchester Siti” hujumchisi Omar Marmush transferi bo‘yicha kelishuvga erishdi. Bu haqda  taniqli insayder Fabritsio Romano ma’lum qildi.

Manbaga ko‘ra, tomonlar dastlab ijara va keyinchalik sotib olish imkoniyati bo‘yicha kelishib olgan. Agar belgilangan shartlar bajarilsa, futbolchini sotib olish majburiy bo‘ladi. Transferning umumiy qiymati 50 million funt sterling etib belgilangan.

Marmushning o‘zi ham “Tottenxem”ga o‘tishga rozilik bergan. Romanoning so‘zlariga ko‘ra, misrlik futbolchi bir necha kun avval London klubi bilan shaxsiy shartnoma shartlarini kelishib olgan. Shu bois transfer yakunlanish arafasida turibdi.

Misrlik futbolchining dushanba kuni Londonga yetib borishi kutilmoqda. U yerda transferni rasmiylashtirishdan oldin tibbiy ko‘rikdan o‘tadi. Shundan so‘ng kelishuvni rasmiy e’lon qilish uchun faqat yakuniy rasmiylashtirish ishlari qoladi.

Shu tariqa, London klubi navbatdagi yirik transferni amalga oshirish arafasida. Marmush ham allaqachon Shimoliy Londonga ko‘chishga tayyorgarlik ko‘rmoqda. Agar tibbiy ko‘rikdan muvaffaqiyatli o‘tsa, transferning rasmiy tasdig‘i yaqin vaqt ichida e’lon qilinishi mumkin.

Qayd etish joizki, “Manchester Siti” kecha, 23 avgust kuni “Etixad”da uchrashuvning 84-daqiqasiga qadar ortda borib, “Bornmut” ustidan g‘alaba qozonish uchun xarakter namoyish etdi.