Lukashenko Putinga nima sovg‘a qilganini aytdi

Belarus fuqarosi Aleksandr Lukashenko Rossiya Prezidenti Vladimir Putinga yubileyi sharafiga Belarus traktorini sovg‘a qiladi. Bu haqda u Sankt-Peterburgdagi MDHning norasmiy sammitiga kelganida jurnalistlarga ma’lum qildi.

“Traktor [sovg‘a qilaman]. Men ishlaydigan – “Belarus”. Eng zo‘r, qo‘lda yig‘ilgan”, deydi Lukashenko jurnalistlarning sovg‘a haqidagi savoliga javoban.

Belarus rahbarining aniqlik kiritishicha, mashinada muayyan ishlarni bajarish uchun turli “tishlar” mavjud.

“Ularning “tishlari”, bilasizmi, millionta. Shuning uchun u ixtiyorga ko‘ra. Ammo men unga bitta “tish”ni taklif qilaman – tirgak, seyalka. U ko‘p qirrali”, deydi Lukashenko.

Jurnalistlar bilan suhbatda Lukashenko sammitga Rossiyaning AURUS mashinasida kelganini ham ta’kidlagan.

“Pul Pervogo” Telegram-kanalida kun qahramoni uchun traktor sertifikati surati chop etildi. Bu BELARUS 1523.3 modeli, sertifikatda shunday deyilgan: 

“Rossiya Federatsiyasi Prezidenti Vladimir Vladimirovich Putinga yubiley sharafiga”.

Eslatib o‘tamiz, bugun, 7 oktyabr kuni Vladimir Putin 70 yoshni qarshiladi. U yubileyida MDH davlatlari rahbarlarini Sankt-Peterburgda norasmiy uchrashuvga taklif qildi.