Lotin Amerikasining ikki yirik mamlakati noma’lum muddatga elektr energiyasisiz qoldi
Olam
−
17 iyun 2019 3618
Argentina, Urugvay, shuningdek, Braziliya va Paragvayning ba’zi tumanlari aholisi tizimdagi nosozlik sabab elektr energiyasidan uzilib qoldi. Bu haqda Lotin Amerikasi OAV xabar tarqatdi.
“Elektr ta’minoti tizimidagi keng ko‘lamli uzilish sabab butun Argentina va Urugvay elektr energiyasisiz qoldi”, deb xabar berdi Edesur kompaniyasi.
Urugvay energetika kompaniyasi UTE Edesur`ning xabarini tasdiqladi. Hech bir kompaniya tizimdagi nosozlikning bartaraf etilish va elektr ta’minoti qayta tiklanish vaqtini aytmayapti.
Argentina OAV ma’lumotiga ko‘ra, elektr ta’minotidagi uzilishlar erta tongda boshlangan. Uzilish Santa-Fe, San-Luis, Formosa, La-Rioxa, Chubut, Kordova va Mendosa viloyatlariga ta’sir qilgan.
Ma’lumot uchun, Urugvay va Argentinada umumiy hisobda 48 millionga yaqin odam yashaydi.
Live
Barchasi07 noyabr 2023
07 noyabr 2023
07 noyabr 2023
