Levandovski “Barselona”ga qanday talab qo‘yishi aytildi
Sport
−
07 aprel 2022 4444
Ispaniyaning “Barselona” klubi “Bavariya” hujumchisi Robert Levandovskiga qiziqayotgani haqidagi xabarlar jiddiylashmoqda.
Robert Levandovski 33 yoshda bo‘lishiga qaramasdan, gol urishdan to‘xtayotgani yo‘q. Agar, u “Barselona” safiga qo‘shiladigan bo‘lsa, kamida uch yillik shartnoma olishni istaydi va shuni talab qiladi. Bu haqda “Sport” nashri xabar berdi.
Polshalik hujumchi “Bavariya” va “Borussiya Dortmund” safida yuksak natijalarga erishdi. Biroq Robert “Barselona” safiga yangi orzu va istaklar bilan borishni xohlaydi. Shu sabab, uni qisqa muddatli bitim qanoatlantirmaydi.
Ma’lumot o‘rnida, joriy mavsumda Robert Levandovski “Bavariya” safida 39 ta uchrashuvda maydon tushib, 45 ta gol urdi va 4 ta goli uzatma amalga oshirdi. “Transfermarkt” portali 33 yoshli futbolchini 50 million yevroga baholamoqda.
Ma’ruf Abdumalikov
Live
Barchasi