La Ligada 9-tur uchrashuvlari yakunlandi

Kecha, 19 oktyabr kuni Ispaniya La Ligasining 9-tur uchrashuvlari yakuniga yetdi. Turda peshqadam “Real Madrid”  “Xetafe” mehmoni bo‘ldi va yakunda 2 nafarga kam bo‘lib qolgan mezbonlarni kichik hisobda mag‘lubiyatga uchratdi. Madridliklarning eng yaqin ta’qibchisi “Barselona” o‘z maydonida hamshaharlari “Jirona” ustidan zafar quchdi. Keyingi turda bu ikki jamoa to‘qnashuvidagi “El-Klasiko” bo‘lib o‘tadi.

La Liga 9-tur uchrashuvlari tafsilotlari bilan tanishing:

“Real Oviyedo” 0:2 “Espanol”

“Espanol” mehmonda ishonchli o‘yin ko‘rsatib, ikkita gol urdi. “Oviyedo” esa hujumda o‘z imkoniyatlaridan foydalana olmadi va yakunda mag‘lubiyatga uchradi.

“Sevilya” 1:3 “Malorka”

“Malorka” kutilmagan tarzda safarda ishonchli hisobda g‘alaba qozondi. “Sevilya” himoyada ko‘p xatolarga yo‘l qo‘ydi va muxlislar qarshisida raqibga imkoniyatni boy berdi.

“Barselona” 2:1 “Jirona”

“Barselona” dastlab hisobni ochishga erishdi, lekin oradan ko‘p o‘tmay hamshaharlari hisobni tenglashtirishga muvaffaq bo‘ldi. Uchrashuv so‘ngiga qadar “Barselona”  uzoq vaqt hisobni oshira olmadi, ammo so‘nggi daqiqalardagi goli evaziga g‘alabani qo‘lga kiritdi. “Jirona” durrang natijani saqlab qolishga harakat qildi, biroq buni uddasidan chiqolmadi.

“Vilyarreal” 2:2 “Real Betis”

Bu o‘yin teng kurashlar va gollarga boy tarzda kechdi. Jamoalar kuchli o‘yin namoyish etishdi. Tomoshabop o‘yin yakunida muxlislar jangovar durrang guvohi bo‘lishdi.

“Atletiko Madrid” 1:0 “Osasuna”

“Atletiko” o‘z maydonida minimal hisobda g‘alaba qozondi. Mehmonlar bir necha imkoniyat yaratdi, ammo ulardan foydalana olmadi. Poytaxtliklar muhim 3 ochkoni qo‘lga kiritishdi.

“Elche” 0:0 “Atletik”

Bu uchrashuvda gollar kuzatilmadi. Har ikki jamoa ham ehtiyotkor o‘yin namoyish etdi va bir ochkodan bo‘lishib oldi.

“Selta” 1:1 “Real Sosedad”

Bu uchrashuvda ham jamoalar teng kurashda o‘ynashdi. Har ikkala tomon ham bir martadan gol almashib olishdi va yakunda durang natija bilan bir ochkodan qo‘lga kiritishdi.

“Levante” 0:3 “Rayo Valekano”

“Rayo Valekano” mehmonda juda kuchli o‘yin ko‘rsatib, yirik hisobda g‘alaba qozondi. “Levante” himoyada jiddiy muammolar sabab  alamli mag‘lubiyatni qabul qilib oldi.

“Xetafe” 0:1 “Real Madrid”

Turnir jadvali peshqadami “Real Madrid” mehmonda kichik hisobdagi g‘alabaga erishdi. “Xetafe” o‘yin davomida yaxshi harakat qildi, ammo ikki kishi kam bo‘lib qolgan mezbonlar yakunda mag‘lubiyatga uchradi.

“Alaves” – “Valensiya”

Bu o‘yin bugun, 20 oktyabr kuni bo‘lib o‘tishi rejalashtirilgan.

Ma’lumot uchun, yakuniga yetgan tur uchrashuvlaridan so‘ng, Madridning “Real” jamoasi turnir jadvalida 24 ochko to‘plagan holda peshqadamlik qilmoqda. Ularning eng yaqin ta’qibchisi – “Barselona” jamoasi 22 ochko bilan 2-o‘rindan joy olgan bo‘lsa, kuchli uchlikda “Vilyarreal” 17 ochko to‘plagan holda bormoqda. Navbatdagi tur uchrashuvlari joriy yilning 25 oktyabr kuni start oladi.