Kuchli shamol va chang-to‘zon. Ichki ishlar haydovchilarga murojaat qildi 

O‘zbekiston bo‘ylab kuchli shamol va chang-to‘zon bo‘lishi holati kuzatilmoqda. Joriy vaziyat yuzasidan Ichki ishlar vazirligi Yo‘l harakati xavfsizligi bosh boshqarmasi haydovchilardan quyidagilarni so‘radi:

• texnik nosozliklar ayniqsa, rul boshqaruvi va tormoz tizimida nosozliklari bo‘lgan transport vositalaridan foydalanmasliklarini;
• isitish tizimi nosoz bo‘lgan, avtotransport oynalari terlab sun’iy pardani hosil qilib, ko‘rinishni cheklaydigan transport vositalaridan foydalanmasliklarini;
• haydovchilar oraliq masofani xavfsizlik darajasida ushlashlarini;
• belgilangan tezlik talablariga aniq rioya qilishlarini;
• transport vositasini spirtli ichimlikdan mast bo‘lgan holda boshqarmasliklarini;
• transport vositalarini daraxt yoki kuchli shamolga chidamsiz joylarda qoldirmasliklarini.

Eslatib o‘tamiz, bugun, 4 noyabr kuni Sirdaryo viloyati, so‘ngra poytaxt Toshkent shahrida qum bo‘roni ko‘tarildi.