Koronavirus og‘ir kechishiga sababchi omillardan biri aniqlandi

D vitamini yetishmasligi koronavirusning og‘ir kechishiga sabab bo‘ladi. Bu britaniyalik shifokorlarning tadqiqotlaridan ma’lum bo‘lgan. 

Bir guruh shifokorlar koronavirus yuqtirish va o‘lim statistikasini o‘rganib chiqishgan.

Ma’lum bo‘lishicha, mavsumiy D vitamini tanqisligi kuzatiladigan hududlarda koronavirus og‘ir kechishi qayd etilgan.

"D vitamini tanqisligi koronavirus kasalligi og‘ir kechishi uchun xavfli omillardan biridir", degan shifokorlardan biri Garret Devis. 

Shu bilan birga, u taxminlarni to‘laqonli o‘rganish uchun to‘liq bir yillik izlanishlar olib borish zarurligini ta’kidlagan. Koronavirus pandemiyasi boshlanganiga esa hali bir yil bo‘lmagan. 

Tadqiqot muallifi D vitamini immunitet uchun muhimligini ta’kidlab, uning tanani koronavirus kirib kelishidan himoya qilishi mumkinligini aytgan.

Ma’lumot uchun, dunyoda koronavirusga chalinganlar 50 milliondan oshgan. 1,2 million bemor virus qurboni bo‘lgan.