Kolomboda Rossiyaning samolyoti hibsga olindi

Olam

−

03 iyun 2022 visibility9671

Kolombo Rossiyaning “Aeroflot” aviakompaniyasiga tegishli Airbus A330 samolyoti Shri-Lankadan chiqib ketishini taqiqladi va havo kemasini hibsga oldi. Bu haqda TASS xabar berdi.

“Kecha, 2 iyun kuni Aeroflot SU-289 reysining Kolombodan Moskvaga parvozi Shri-Lanka aviatsiya ma’muriyati ruxsati yo‘qligi sababli avvaliga kechiktirildi, keyinchalik esa bekor qilindi”, deyiladi xabarda.

Qayd etilishicha, samolyotni hibsga olishni bekor qilish bo‘yicha sud majlisi joriy yilning 8 iyuniga belgilangan. Bekor qilingan reys yo‘lovchilari mehmonxonaga joylashtirilgan.

Eslatib o‘tamiz, joriy yilning 19 may kuni Buyuk Britaniya Rossiyaning “Aeroflot”, “Rossiya” va “Ural aviaqatnovi” aviakompaniyalarini sanksiyalar ro‘yxatiga kiritgandi.

Maqola muallifi