Koinotdan hayit tabrigi yuborildi (video)
Olam
−
22 aprel 2023 24811
Dunyo musulmonlari bir oylik Ramazon oyi ro‘zasini tutgandan so‘ng Hayit bayramini nishonlash uchun yig‘ilishib, bir-birlarini hadyalar bilan tabriklashadi. Bu safar g‘ayrioddiy usulda koinotdan tabrik yuborildi.
Birlashgan Arab Amirligidan bo‘lgan astronavt Sultan Al Neyadi Xalqaro kosmik stansiyadan musulmonlarga Ramazon hayiti tabrigini yubordi.
“Iyd-ul fitr muborak bo‘lsin, sizlarga baraka va ezgu tilaklar tilab Xalqaro kosmik stansiyadan Sultan Al Neyadi”, deyiladi yo‘llangan tabrikda.
Ma’lumot uchun, kecha, 21 aprel kuni dunyoning turli hududlarida musulmonlar Ramazon hayitini nishonlashdi. Xususan, Rossiya, Indoneziya, Liviya, Keniya, Misr, Serbiya, Saudiya Arabistoni , Qirg‘iziston,Tojikiston, O‘zbekiston va boshqalar shular jumlasiga kiradi. Ammo bugun, 22 aprel kuni Hindiston, Pokiston, Bangladesh davlatlaridagi musulmonlar hayit bayramini nishonlashmoqda.
Live
Barchasi