Коинотдан ҳайит табриги юборилди (видео)
Олам
−
22 Апрель 2023 24812
Дунё мусулмонлари бир ойлик Рамазон ойи рўзасини тутгандан сўнг Ҳайит байрамини нишонлаш учун йиғилишиб, бир-бирларини ҳадялар билан табриклашади. Бу сафар ғайриоддий усулда коинотдан табрик юборилди.
Бирлашган Араб Амирлигидан бўлган астронавт Султан Ал Неяди Халқаро космик станциядан мусулмонларга Рамазон ҳайити табригини юборди.
“Ийд-ул фитр муборак бўлсин, сизларга барака ва эзгу тилаклар тилаб Халқаро космик станциядан Султан Ал Неяди”, дейилади йўлланган табрикда.
Маълумот учун, кеча, 21 апрель куни дунёнинг турли ҳудудларида мусулмонлар Рамазон ҳайитини нишонлашди. Хусусан, Россия, Индонезия, Ливия, Кения, Миср, Сербия, Саудия Арабистони , Қирғизистон,Тожикистон, Ўзбекистон ва бошқалар шулар жумласига киради. Аммо бугун, 22 апрель куни Ҳиндистон, Покистон, Бангладеш давлатларидаги мусулмонлар ҳайит байрамини нишонлашмоқда.
Live
Барчаси