Kiyevdagi Rossiya elchixonasida Rossiya bayrog‘i rasman pastga tushirildi
Olam
−
23 fevral 2022 11451
Bugun, 23 fevral kuni Kiyevdagi Rossiya elchixonasida davlat ramzlaridan biri bo‘lgan Rossiya bayrog‘i pastga tushirilgan. Bu haqda Kiyevdan turib TASS axborot agentligi xabar bermoqda.
Diplomatik vakolatxona hududida faoliyat butunlay to‘xtatilgan. Elchixona atrofida Milliy gvardiya otryadlari va voqelar rivojini yoritib borayotgan televideniye jurnalistlari ko‘rinish bermoqda, xolos.
Eslatib o‘tamiz, bundan avval Rossiya Federatsiyasi Tashqi ishlar vazirligi Ukraina hududidagi diplomatik vakolatxonalar va elchixona xodimlarini evakuatsiya qilishni boshlashi haqida ma’lum qilgan edi.
Diplomatik missiya vakillaridan biri matbuotga “evakuatsiya allaqachon boshlanib bo‘ldi”, deya bildirgan.
Rossiyaning Ukraina poytaxti Kiyevda elchixonasi, shuningdek, Xarkov, Odessa va Lvovda bosh konsullik vakolatxonalari mavjud.
Live
Barchasi