Xoldorovning jangi tasdiqlandi
Sport
−
01 aprel 2023 5003
O‘zbekistonlik professional bokschi Iqboljon Xoldorovning navbatdagi jangi sanasi aniq bo‘ldi. Bu haqda sportchi o‘z Instagram sahifasida ma’lum qildi.
Joriy yilning 15 aprel kuni 26 yoshli o‘zbekistonlik bokschi meksikalik Xose Benardino Lozanoga qarshi ringga ko‘tariladi.
Ma’lumot uchun, Xoldorov 1997 yilda Andijonda tug‘ilgan. U havaskor boksda muvaffaqiyatli faoliyat yuritib, Osiyo o‘yinlari va qit’a birinchligida g‘olib bo‘lgan.
Shu vaqtga qadar Xoldorov profboksda 4 ta jang o‘tkazib, bahslarning barchasida g‘alaba qozongan. Lozano esa profboksda Iqboljonga qaraganda tajribali hisoblanadi. U 11 ta jang o‘tkazib, to‘qnashuvlarning 10 tasida zafar quchgan va 1 ta bahsda mag‘lubiyatga uchragan.
Live
Barchasi