Xoland va Mbappe Ronaldu va Messining davomchisi bo‘ladi – Iguain

Erling Xoland va Kilian Mbappe o‘rtasidagi qarama-qarshilik Krishtianu Ronaldu va Lionel Messi o‘rtasidagi raqobatning davomiga aylanishi mumkin. "Inter Mayami"ning argentinalik hujumchisi Gonsalo Iguain shunday fikr bildirdi.

Gonsalo “Sport Illustrated” nashriga bergan intervyusida Mbappe “Real Madrid”ga o‘tadigan bo‘lsa,  madridliklarni cho‘qqiga olib chiqishi mumkinligini ham ta’kidlab o‘tgan.

“Barcha futbolchilar qaysidir bosqichda faoliyatini yakunlashadi. Shuningdek, Messi va Ronaldu ham vaqti kelib, futboldagi sarguzashtlarini tugatadi. O‘ylaymanki, Mbappe va Xoland ularning o‘rtasidagi raqobatning davomchilari bo‘lishadi. Mbappe "Real Madrid"ga o‘tishi mumkinmi? Shunday bo‘lgan taqdirda, Kilianda "Real"ni cho‘qqiga olib chiqish uchun barcha fazilat va xususiyatlarga ega", degan Iguain.

Ma’lumot o‘rnida, ayn paytda Erling Xoland Germaniyaning "Borussiya Dortmund" klubi sharafini himoya qiladi. Joriy mavsumda  dortmundliklar safida 20 ta bahsda maydonga tushib 23 ta gol va 6 golli uzatmani amalga oshirgan. “Transfermarkt” portali uni 150 million yevroga baholamoqda.

Kilian Mbappe esa "Pari Sen-Jermen" tarkibida 34 ta uchrashuvda 24 ta gol va 17 ta golli uzatmaga mualliflik qilgan. “ Transfermarkt” portali fansiyalik hujumchiga 160 million yevrolik narx belgilagan.

Ma’ruf Abdumalikov