Xitoydagi 200 metrli osmono‘par binoda yirik yong‘in yuz berdi (video)

Olam 12548
image
-

Bugun, 16 sentyabr kuni Xitoyning Chansha shahridagi (Xunan viloyati, Markaziy Xitoy) osmono‘par binoda kuchli yong‘in yuz berdi. Xitoy markaziy televideniyesi xabariga ko‘ra, alanga o‘ndan ortiq qavatni qamrab olgan.

“Beyszin jibao” gazetasining yozishicha, yong‘in mahalliy vaqt bilan soat 15:30 atrofida boshlangan – yong‘in binoning old tomoni bo‘ylab yuqoriga qarab yoyila boshlagan. Olov o‘ndan ortiq qavatni qamrab olgan. Voqea joyiga 300 ga yaqin o‘t o‘chiruvchi va 36 ta texnika yetib kelgan.

Shu kungacha o‘t o‘chiruvchilar binoning old qismidagi alangani o‘chirishga muvaffaq bo‘ldi.

Bino 2000 yilda qurilgan va o‘sha paytda shahardagi eng baland bino bo‘lgan. 42 qavatli osmono‘par binoning balandligi 218 metrga etadi. 

Qurbonlar va jabrlanganlar haqida ma’lumotlar hozircha olinmagan.

Sunnatilla Abdullayev
Maqolaga baho bering
Baholaganlar: 363
Reyting: 3
t
×